Friday, August 1, 2008

الدوام

مادري من وين ابدي موضوعي بس يالله نتوكل على الله ونقول بسم الله
بما اني كتبت عنوان هذا الموضوع الدوام خل اشرح لكم طبيعت شغلي و دوامي
اولا انا اداوم 12 ساعة باليوم شفتات يعني
من 7 الصبح إلى 7 بليل بعدين 24 ساعة بريك بعدين ارد اداوم الساعة 7 بليل لين الساعة 7 الصبح بعدها يومين بريك
بالبداية كنت كنت احس بتعب و لوية ولاني قادر انظم وقتي بس الحين تعودة على هذا النظام وهذا الدوام
والحمد لله كل شي اوكي

بس اليوم اول مرة احس بملل بالدوام
لأن 12 ساعة وايد مو شوية ما تقزر إلا لما اشتغل
واليوم ماكو شغل اليوم الجمعة مو الكل مداوم بس احنى ربع الشفتات وبعد صيف يعني اغلب الناس ماخذة اجازة فماكو شغل كلش
فصج قمت احس بملل لأن الشغل بساعتين خلصته
والحين بطالي والدليل اني قاعد اكتب هذا البلوق
ولما اخلص من الكتابة هم مادري شنو راح اسوي باقيلي اربع ساعات

انا استغرب من موظفين الحكومة الي يقعدون 8 ساعات بالدوام من غير شغل ما غير حش بالناس وقرايت جرايد
طبعا مو الكل ولا كل الوزارات البعض
شلون يقدرون يستحملون يقعدون بالدوام من غير شغل
يمكن انا اقول جذي لأني احب الشغل
ههههههههه

ما عندي سالفة على هذا الموضوع بس من الفراق كتبته

3 comments:

QiYaDiYa said...

باختصار ..
غير شغلك !!

حرام شاب و بالعمر هذا يقعد هالمدة كلها من غير شغل !

الشعور بالانجاز له متعته ..
و العمل مهما كان في تعب الا انه يبقى انك قاعد تستغله بشي يفيدك ..

القعدة من غير شغل متعبة اكثر من الشغل ..


و بالتوفيق :)

miss roze said...

الله يعينك على الدوام لكن المساله

هينه دامك تحب الشغل

بالنسبة لي بالدوام مااحب اقعد فاضيه

واطلع لي لي اي شغله من تحت الارض

واذا كلش ما لقيت شي اسويه اروح

المخزن وارتب الملفات القديمة لووووول

ReLaaaX said...

الحل حق ازمة الفراغ

مصحف


كتاب


خطة الاسبوع الياي


مشي


اي شي ممكن يشغلنا غير الاكل والحش اللهم ياكافي