Sunday, July 27, 2008

I Miss you :)

صج والله اشتقت حق البلوقات وكتابة المواضيع

كل يوم اقول اليوم اكتب وموضوع و انزلة البلوق تطلعلي الف شغلة و شغلة و ما اكتب
بس اليوم لأ احس نفسي شوي فاضي و ممكن اكتب موضوع

أول شي عندي تساؤلات وايد
شنو الي قاعد يصير بالديرة شسالفة
لا من مجلس وحكومة وانا محب اكتب بالسياسة فببلع موس و اسكت عنهم لأن لو بتكلم ما اخلص
و لا من الناس استغفر الله الناس تغيرت الناس
صاروا واحد يحسد الثاني واحد يحقد على الثاني ماكوا احد يحب الخير لخوه مثل ما يحبة لنفسة
اللهم نفسي و بس ليش شسالفة شلي غير النفوس
وين الناس الي قبل وين راحوا
ادري موجودين بس قلة قليلة


ودي اتكلم اكثر و اكثر لان قلبي متروس والله بس
انا اليوم كنت داش اكتب اني ان شاء الله راح اخصص جزء من وقتي لكم و لمدوناتكم على شان اقراها واعلق عليها و ان شاء الله راجع لكم بمواضيع اتمنى انها تحوز على رضاكم

وشكرا لكم على قراءة الموضوع